Provizore

de István Ertl

“Poezio estas memfara transviv-metodo”
                                           (Breyten Breytenbach)

Se mia vico devos iam veni,
mi konsideros fruan ĝisrevidon.
Senplue gardos mi la paŝkadencon
kaj kaŝadmiros la fekundan sidon
de mia blua kato, la honesto.

Ne pensu ke mi sekvas gvidan manon.
Mi longe studis mian dekadencon
kaj venis al konkludo: kial teni
sekreta mian nokton?
Nun la resto
koncernos nur la mutan dragomanon.

El la kolekto Provizore  (eld. Bero, 2004). Mendu ĉe UEA!