URL: http://www.everk.it/index.php?rondelo
Mi vin demandas pri l' artisto:
ĉu super-, krom-, aŭ simple, homo?
ĉu sciencisto de l' atomo
rajtas aperi en la listo?
Intelektula pesimisto
aŭ trapezist' de l' aksiomo?
Mi vin demandas pri l' artisto:
ĉu super-, krom-, aŭ simple, homo?
Laŭ mi ŝli verkas por rezisto
al fisocia neniomo,
kontraŭ de l' banalec' fantomo,
per iluzia la konsisto.
Mi vin demandas pri l' artisto.
la 24an de januaro, 2005